Германскиот шампион Фуксе Берлин се обиде да го сруши рекордот за Симон Питлик, но Фленсбург одговори со „НЕ“, еве ги деталите од најголемата драма во Бундеслигата.
Ракометниот свет е во неверување по протекувањето на информациите за неуспешните преговори меѓу двата германски гиганти, Фуксе Берлин и Фленсбург. Иако трансфер сагата за данскиот ас Симон Питлик трае со месеци, пристигна потврда дека преговорите официјално се прекинати, иако на маса биле ставени суми кои ретко се гледаат во овој спорт.
Берлин „фрли“ милион и пол евра за веднаш да го добие Данецот
Според инсајдерски информации од данскиот ТВ2 Спортен, „лисиците“ од Берлин биле подготвени на сè за да го донесат Питлик веќе ова лето како замена за Ласе Андерсон. Нивните понуди биле шокантни за ракометните прилики:
- Пакет понуда: 750.000 евра во кеш + норвешкиот „вундеркинд“ Тобијас Грондал.
- Рекордна понуда: Кога првата опција била одбиена, Берлин го подигнал влогот на неверојатни 1,5 милиони евра за итен трансфер.
Доколку Фленсбург прифатеше, ова ќе беше еден од најскапите трансфери во историјата на ракометот, со оглед на тоа што играчот веќе има потпишано пред-договор за 2027 година.
„Извисен“ по отказот на неговиот ментор
Зад кулисите на овој трансфер стои сериозно незадоволство кај самиот ракометар. Питлик во декември 2024 година покажа неверојатна лојалност кон Фленсбург откажувајќи се од својата излезна клаузула, но само 24 часа подоцна клубот го отпушти тренерот Николеј Крикау, човекот поради кој Питлик и дојде во клубот.
Иако Данецот подоцна го продолжи договорот до 2030 година, тој си обезбеди „заден влез“ – нова клаузула за летото 2027 година, која веќе ја активираше за да се пресели кај својот поранешен тренер Крикау во Берлин.
Ставот на Фленсбург: „Питлик не е на продажба предвреме“
Од таборот на Фленсбург засега остануваат на својот цврст став. И покрај огромните пари кои би можеле да ги инкасираат веднаш, тие не сакаат да го ослабат својот тим пред клучните битки во Бундеслигата и Европа. Питлик јавно изјави дека е разочаран од одредени потези на управата, но вети професионализам до последниот ден од договорот.
Гостинска статија на Марија Петровска
