Роналдо Назарио, познат како „Феноменот“ и еден од најефективните напаѓачи на сите времиња, конечно се огласи за да ги прокоментира контроверзните изјави на својот португалски имењак, Кристијано Роналдо.
Бразилската икона покажа голема почит кон импресивната кариера на Кристијано (пет „Златни топки“ и пет трофеи од Лигата на шампионите), и го вброи меѓу најголемите. Сепак, јасно стави до знаење дека не се согласува со тврдењето на Кристијано дека е најдобар во историјата на фудбалот.
Во изјава за ЕСПН, „Вистинскиот Роналдо“ беше отворен за позицијата на Португалецот:
„Кристијано постигнуваше голови на сите можни начини, дури и по промената на позицијата. Тоа е неверојатно и дефинитивно е меѓу најдобрите играчи досега. Но, најдобар на сите времиња? Не се согласувам. Го ценам неговото мислење, но јас би го сместил меѓу 10-те најдобри.“
Додека Кристијано се претстави како главна ѕвезда во интервјуто со Пирс Морган, Роналдо Назарио понуди многу поскромен став кога зборуваше за сопствените достигнувања.
„Искрено, не сакам да се впуштам во тие дискусии. Некои луѓе имаат многу високо мислење за себе. Повеќе сакам другите да зборуваат за моите настапи, за тоа што сум правел и што сум бил, отколку јас да зборувам за себе“, заклучи легендата, која има играно за великаните Реал Мадрид, Барселона, Интер и Милан.
Гостинска статија на Марија Петровска
