По завршувањето на квалификацискиот циклус во Централна Америка, основниот дел од борбата за Мундијалот е комплетиран. И додека во Европа немаше големи потреси, остатокот од светот на фудбалот испиша историја!
Претстојното проширено Светско првенство со 48 селекции ќе донесе дури шест дебитанти, вклучувајќи ги сензациите како Курасао (земја со само 155.000 жители) и повратниците како Хаити по 58 години пауза, како и Панама, Зеленортските Острови, Узбекистан и Јордан.
Бразил е единствен, но овој квартет е брутален!
Меѓу новите имиња, се разбира, се наоѓаат и апсолутните фудбалски рекордери.
Само еден тим, Бразил, може да се пофали дека учествувал на сите Светски првенства од 1930 година и ја држи рекордната бројка од пет светски титули [Прочитајте ја нашата статија за Вечната самба на Мундијалите]. Тука е и Германија, која пропуштила само два Мундијала.
Но, ако ја погледнеме ерата по 1978 година, период кој го опфаќа модерното фудбалско ривалство, само четири селекции ја имаат неверојатната низа и не пропуштиле ниту еден турнир!
Овој ексклузивен клуб на „вечни претплатници“ на СП од 1978 година го сочинуваат:
- Бразил
- Германија
- Шпанија
- Аргентина
Факт кој е особено интересен: Шпанија пред таа 1978 година пропуштила дури шест, а Аргентина четири Светски првенства. Токму Мундијалот во 1978 година (кога Аргентина беше домаќин и првпат триумфираше) го означува почетокот на нивната беспрекорна серија која трае до денес!
Гостинска статија на Марија Петровска
Следете нè: Facebook | Instagram | X
