Капитенот на Ренџерс, Џејмс Таверние, беше отворено бесен по тешкиот пораз од 3-0 на гостувањето кај норвешкиот Бран, кој го спушти шкотскиот гигант на последното место во табелата од Лига Европа.
Под водство на новиот тренер Дени Рел, кој го предводеше тимот за првпат, Ренџерс одигра натпревар за заборав, со само еден удар во рамките на голот во целиот меч. Ова беше трет последователен пораз на клубот во европската кампања, откако не успеа да се пласира во Лигата на шампионите, а во домашното првенство тимот е далеку од врвот, со само една победа по осум кола.
“Ова е срамота, едноставно тоа е вистината”, изјави видно вознемирениот Таверние по натпреварот. “Откако сум во Ренџерс, никогаш не сум видел вакво нешто, ваков континуитет на слаби и безидејни настапи. Некои покажуваат бес по натпреварите, но тоа мора да се види на теренот. Не се боревме, не освоивме ниту прва, ниту втора топка, немаше жар. А тоа кај играчи на Ренџерс треба да биде минимум”.
🗣️ ‘It’s a disgraceful performance…I’m raging’
— The Rangers Review (@RangersReview55) October 23, 2025
James Tavernier blasts his own side after Rangers capitulation against SK Brann pic.twitter.com/cT5Kcx0V3o
Новиот менаџер Рел беше назначен само неколку дена претходно, откако Расел Мартин беше отпуштен по катастрофален старт на сезоната. Германецот има малку време да ја стабилизира состојбата пред серијата клучни натпревари, меѓу кои и полуфиналето на Купот против Селтик на 2 ноември.
“Тренерот штотуку пристигна, немаше време за многу работа”, додаде Таверние. “Може да ни даде инструкции, но на крајот тоа зависи од нас. Борбата, срцето, желбата – тоа не се учи. Или го имаш, или не. А ние во моментов очигледно го немаме. Јас сум бесен”.
Инаку, по поразот тренерот отиде пред трибината каде беа гостинските навивачи да поразговара со нив, а кога заминуваше кон соблекувалните, навивачите почнаа да го сканираат неговото име, давајќи му поддршка во новиот предизвик.
🎶 "Danny, Danny Röhl…" pic.twitter.com/po034OIFdv
— Rangers Football Club (@RangersFC) October 23, 2025
