Помошникот на Микел Артрета, тренерот Карлос Куеста е во финални преговори за новото тренерско место во Парма.
Клубот од Серија А лигата остана без тренер, откако Кристијан Киву го замени Симеоне Инзаги на тренерската позиција во Интер.
29 годишникот се покажа одлично како асистент на клупата на Арсенал, но сега ќе добие улога на главен тренер во Парма. Според “Athletic”, преговорите течат веќе неколку недели и сега се во финална фаза.
Ова на некој начин ќе биде враќање за Куеста во Италија, откако пред заминувањето во Арсенал тој беше тренер на младинскиот тим на Јувентус, а претходно и на Атлетико Мадрид.
Поранешниот играч за врска на Арсенал и сегашен капитен на Бајер Леверкузен, Гранит Џака, во минатогодишно интервју за “Athletic” изјави: “Сигурен сум дека Куеста еден ден ќе биде главен тренер за некој многу голем клуб. Го кажувам ова бидејќи знам што сака, тој има јасно зацртани цели и знае што сака да постигне. Сигурен сум дека еден ден ќе го видиме покрај линијата како главен тренер”.
А, по сè изгледа, тој ден ќе дојде поскоро од што очекуваше и Артрета, кој сигурно сметаше дека неговиот асистент ќе остане во тимот барем до 2027 година, до кога официјално му трае договорот со Арсенал.
Arsenal coach Carlos Cuesta is set to leave the club to become Parma’s new head coach.
The 29-year-old is expected to depart after five years at the north London club under Mikel Arteta. Cuesta had been in talks with the Serie A side for several weeks and is expected to travel… pic.twitter.com/VGJrNdTgAV
— The Athletic | Football (@TheAthleticFC) June 17, 2025
