Седумкратниот Формула 1 шампион, Луис Хамилтон, за прв пат во својата кариера ги заврши првите 10 трки од сезоната без ниту еден освоен подиум.
Британецот лани ја шокираше јавноста кога направи неочекуван премин од Мерцедес во тимот на Ферари, надевајќи се дека токму со тимот од Маранело ќе успее да дојде до рекордната осма шампионска титула.
Но, од стартот на сезоната до сега, црвената боја не му носи среќа на Хамилтон, па после цели 19 години, тој не успеа да дојде до првите три места на ниту една од првите 10 трки.
Најголемиот успех за Хамилтон сезонава беше тиумфот на спринт трката во Кина, но што се однесува до главните трки тој ниту еднаш не успеа да стигне до некоја од првите три позиции.
Според изјавите кој тој ги даваше за медиумите сезонава, не звучи оптимистички дека нешто би можело да се промени до крајот на оваа, па сите надежи се фокусирани за идната сезона кога ќе стапат на сила и новите правила за болидите.
