Фулам успеа да го остави зад себе разочарувањето од елиминацијата во Карабао купот и запиша важна победа од 1-0 против Нотингем Форест. Човек на одлука беше Раул Хименез, кој уште еднаш ја потврди својата непогрешливост од белата точка.
Хименез застана до рамо со Јаја Туре
Клучниот момент се случи длабоко во судиското продолжение на првото полувреме. По прекршокот на Даглас Луиз врз Кевин во казнениот простор, судијата Ентони Тејлор покажа на белата точка. Хименез ја презеде одговорноста, го измами голманот Џон Виктор и ладнокрвно погоди за водство.
Со овој гол, Хименез испиша историја во Премиер лигата. Тој сега има 11 реализирани пенали од 11 обиди, со што се израмни со легендарниот Јаја Туре за најдобар процентот на реализација (100%) во историјата на натпреварувањето.
Опсада на Форест без завршница
Во второто полувреме, тимот на Шон Дајч тргна на сè или ништо. Неко Вилијамс и Морган Гибс-Вајт имаа опасни обиди во воведните минути, а Муриљо го принуди Бернд Лено на одлична интервенција. Сепак, „шумарите“ беа ограничени главно на удари од далечина и не успеаја да ја пробијат цврстата одбрана на лондонскиот тим.
Фулам можеше да го запечати триумфот во 84-тата минута, но Хименез не успеа да го претвори центаршутот на Тете во гол по одличната акција на тинејџерот Џош Кинг. Со оваа шестта победа во последните седум меѓусебни дуели против Форест, Фулам се искачи на 13-то место на табелата.
Следете нè: Facebook | Instagram | X
