Најдобриот тенисер на сите времиња, Новак Ѓоковиќ, фрли „бомба“ пред почетокот на Австралија Опен. Српскиот ас објави дека целосно се повлекува од Асоцијацијата на професионални тенисери (ПТПА), организација чиј ко-основач беше пред пет години со цел да се бори за правата на играчите.
Во драматична објава на социјалните мрежи, Ноле ги откри причините за овој радикален потег, посочувајќи сериозни проблеми во раководството.
„Нема транспарентност, мојот имиџ е злоупотребен“
Ѓоковиќ, кој секогаш важел за лидер и заштитник на колегите, овојпат звучеше разочарано.
„По внимателно размислување, одлучив целосно да се повлечам од ПТПА. Оваа одлука доаѓа по постојаната загриженост во врска со транспарентноста, управувањето и начинот на кој беа претставени мојот глас и имиџ“, напиша Ѓоковиќ.
Ова заминување доаѓа во најчувствителен момент за ПТПА, која води правна битка (антимонополска тужба) против АТП, ВТА и Гренд Слем турнирите. Интересно е што Ѓоковиќ уште во март изјави дека не се согласува со сите делови од таа тужба, иако не беше именуван како тужител.
Фокус на 25-тата титула
Додека ПТПА се бори за поголем дел од колачот (наградниот фонд) за играчите, Ѓоковиќ се врти кон теренот. На 38-годишна возраст, тој сè уште е гладен за успех и ја брка историската 25-та Гренд Слем титула, а походот започнува на 18 јануари во Мелбурн.
After careful consideration, I have decided to step away completely from the Professional Tennis Players Association. This decision comes after ongoing concerns regarding transparency, governance, and the way my voice and image have been represented.
— Novak Djokovic (@DjokerNole) January 4, 2026
I am proud of the vision that Vasek and I shared when founding the PTPA, giving players a stronger, independent voice – but it has become clear that my values and approach are no longer aligned with the current direction of the organization.
— Novak Djokovic (@DjokerNole) January 4, 2026
I will continue to focus on my tennis, my family, and contributing to the sport in ways that reflect my principles and integrity. I wish the players and those involved the best as they move forward, but for me, this chapter is now closed.
— Novak Djokovic (@DjokerNole) January 4, 2026
[Ова е вест во развој и ќе биде надополнета со нови информации.]
