Откако Гери Невил изјави дека Манчестер Јунајтед мора да ангажира менаџер кој ќе одговара на „ДНК-та на клубот“, поранешниот напаѓач на Астон Вила, Габриел Агбонлахор, реши да објасни што точно значи таа фамозна ДНК во 2026 година.
Во видео кое стана вирален хит, Агбонлахор не штедеше никого – од управата, преку легендите, па сè до навивачите и познатиот јутјубер Марк Голдбриџ.
„Јунајтед ДНК е да отпушташ чистачки, а да плаќаш 30 милиони за откази на тренери“
Агбонлахор во една минута ги наброја сите болки на „Црвените ѓаволи“. Еве дел од неговата брутална листа за „модерната ДНК“ на Јунајтед:
- „Мафтање со шалови од Норвич (жолто-зелени) по секој пораз.“
- „Губење европско финале од Тотенхем.“
- „Отпуштање на вработени за да се заштеди, само за да се потрошат 30 милиони фунти на откази за менаџери.“
- „Марк Голдбриџ како вреска во подрумот на мајка му: ’Ох, не!‘“
- „Секој поранешен играч да има свој еб*н подкаст.“
- „Губење 7-0 од Ливерпул. СЕДУМ!“
- „Ангажирање на поранешни играчи (како Флечер/Солскјер) за да го покријат хаосот и тоа да го нарекуваат ’Враќање на нашата ДНК‘.“
Заклучокот? „Тим за потсмев“, вели Агбонлахор. Дури и навивачите на Јунајтед во коментарите признаваат: „Навивач сум на Јунајтед, ама ова е добро печење, бидејќи навистина не можеме да мрднеме од тоа ср*ње за ДНК и легенди“*.
Погледнете го видеото кое боли (ако сте навивач на Јунајтед) или ќе ве насмее до солзи (ако не сте):
