Стариот добар Стен Вавринка докажа дека класата е вечна! Во својот 20-ти јубилеен настап на Австралијан Опен, 40-годишниот швајцарски ас приреди вистински спектакл на „КИА Арената“, совладувајќи го Србинот Ласло Ѓере со 3:1 во сетови (5-7, 6-3, 6-4, 7-6).
Still the Man, still standing 👑
— #AusOpen (@AustralianOpen) January 19, 2026
The Swiss lives to play another day as his final Australian Open run begins with a hard-fought four-set victory 👏@stanwawrinka • @wwos • @espn • @tntsports • @wowowtennis • #AO26 pic.twitter.com/o9SHvOM2QX
Емотивно збогување со Мелбурн Парк
Оваа победа има посебна тежина бидејќи е прв триумф во главната ждрепка за Вавринка во Мелбурн уште од 2021 година. Шампионот од 2014 година, кој настапува со „вајлд-карта“, не ги криеше емоциите по последниот поен, бидејќи ова е негова последна сезона во кариерата и последен настап на неговиот омилен Грен слем.
Точно 20 години по неговото деби во Мелбурн, Стен покажа дека сè уште го поседува најмоќниот еднорачен бекхенд во светот. Иако го загуби првиот сет, Швајцарецот најде сила за пресврт, крунисувајќи го мечот со искусно одигран тај-брејк во четвртиот сет.
Stan, come on, we can't be crying already 🥹
— #AusOpen (@AustralianOpen) January 19, 2026
Grateful for all that you keep bringing to the #AusOpen, @stanwawrinka!@wwos • @espn • @tntsports • @wowowtennis • #AO26 pic.twitter.com/w4zf56UwkU
Предизвикот продолжува
Во второто коло, Вавринка го очекува дуел со 17-тиот носител Јиржи Лехечка. Дали Стен „The Man“ има сили за уште еден сензационален поход во својата последна епизода во Австралија? Едно е сигурно – навивачите ќе бидат со него до последниот удар.
