Белинда Бенчиќ потврди дека е во можеби најдобрата форма во својата кариера. Швајцарската тенисерка, која неодамна се врати во ТОП 10 на ВТА листата, ја продолжи својата серија без пораз во 2026 година, пласирајќи се во второто коло на Австралија Опен.
Бенчиќ со „метла“ за Бултер
По перфектните 5-0 на Јунајтед Купот, Бенчиќ стигна до својата шестта последователна победа годинава, совладувајќи ја Кејти Бултер со 6-0, 7-5. Швајцарката одигра совршен прв сет без изгубен гем, а во вториот покажа ментална сила за да го затвори мечот на „Маргарет Корт Арената“.
Големо враќање на Каролина Плишкова
Една од најубавите приказни на денот е победата на поранешниот светски рекет број еден, Каролина Плишкова. По две операции на зглобовите и речиси целосно пропуштената 2025 сезона, Чехињата се врати со триумф над Слоун Стивенс со 7-6, 6-2. Ова е нејзина прва Грен слем победа по подолго време, покажувајќи дека сè уште има што да понуди на големата сцена.
Сензацијата од Индонезија и „будењето“ на Остапенко
- Џенис Тјен, младата надеж од Индонезија која минатата година беше надвор од првите 400, приреди изненадување елиминирајќи ја 22-та носителка Лејла Фернандез со 6-2, 7-6.
- Јелена Остапенко конечно ја прекина серијата од шест порази по ред, победувајќи ја Ребека Срамкова со 6-4, 6-4.
- Сигурна беше и Ана Калинскаја, која со победа во два сета над Кертал најави нов напад на висок пласман по минатогодишното четвртфинале.
