Февруари помина во знакот на Манчестер Сити. По денешното признание за Антоан Семењо, Премиер лигата официјално го потврди и Пеп Гвардиола за добитник на наградата Barclays Менаџер на месецот.
Wins against Liverpool, Fulham, Newcastle and Leeds for @ManCity in February 👏
— Premier League (@premierleague) March 13, 2026
Pep Guardiola wins his 12th @BarclaysFooty Manager of the Month award 🥇 pic.twitter.com/plO7otHMCb
Крај на четиригодишниот пост и нов историски рекорд
Иако звучи неверојатно за тренер од негов калибар, ова е прва ваква награда за Гвардиола по пауза од повеќе од четири години (последен пат ја освои во декември 2021). Сепак, со овој 12-ти јубилеен пехар во својата колекција, Пеп сега е осамен на третото место на вечната листа во историјата на Премиер лигата.
Пред него се само недостижните Сер Алекс Фергусон со 27 и Арсен Венгер со 15 признанија. Гвардиола денеска го престигна Дејвид Мојс (11) и дополнително се одлепи од Јирген Клоп (10).
| Менаџер | Број на награди |
| Сер Алекс Фергусон | 27 |
| Арсен Венгер | 15 |
| Пеп Гвардиола | 12 |
| Дејвид Мојс | 11 |
Перфектен февруари за „Граѓаните“
Сити го започна месецот со реми против Тотенхем, но потоа влезе во незапирлива серија. Под водство на Гвардиола, тимот освои 13 бода (најмногу во лигата за тој период), запишувајќи клучни победи против ривалите како Ливерпул, Њукасл, Фулам и Лидс Јунајтед.
Гвардиола ја доби наградата во конкуренција на Мајкл Карик (Манчестер Јунајтед), Арне Слот (Ливерпул) и Кит Ендрјус (Брентфорд). Ова е првпат во сезоната 2025/26 наградите за најдобар играч и најдобар менаџер да одат во ист клуб во ист месец.
