Новиот македонски селектор, Гоце Седлоски, денеска и официјално ги отвори картите за претстојниот историски бараж за пласман на Светското првенство 2026. На списокот на Седлоски се најдоа неколку изненадувања, дебитанти кои треба да донесат нова енергија, но и повратници кои се наоѓаат во животна форма.
Дориев се враќа како „гол-машина“ од Узбекистан
Едно од најголемите засилувања за нападот е враќањето на Љупче Дориев. Поранешниот фудбалер на Шкендија и Академија Пандев игра во застрашувачка форма за својот клуб Согдијана во Узбекистан. Дориев е вистински лидер на својот тим и еден од најдобрите стрелци во тамошното првенство, а неговата брзина и реализација се токму она што му е потребно на Седлоски за да го разбие бедемот на Данска.
Дебитанти од САД и Колумбија: Мусовски и Херера конечно во црвено-жолтиот дрес!
Најголемото изненадување на списокот е Дени Мусовски. Напаѓачот на американскиот Сиетл Саундерс по долго чекање конечно ќе го има своето деби за Македонија. Покрај него, дебитантски повик доби и колумбискиот лев бек со македонски пасош, Себастијан Херера, како и младиот Имран Фетаи од Шкендија.
Целосниот список на Гоце Седлоски:
- Голмани: Столе Димитриевски, Дејан Илиев, Дамјан Шишковски.
- Одбрана: Ѓоко Зајков, Дарко Велковски, Висар Муслиу, Езѓан Алиоски, Андреј Стојчевски, Себастијан Херера, Никола Серафимов, Имран Фетаи, Егзон Бејтулаи.
- Среден ред: Ељиф Елмас, Енис Барди, Бобан Николов, Тихо Костадинов, Решат Рамадани, Исник Алими, Љупче Дориев, Лука Станковски, Јани Атанасов.
- Напад: Дени Мусовски, Енис Растодер, Бојан Миовски, Дарко Чурлинов, Милан Ристовски, Александар Трајковски, Лирим Ќамили.
Македонија го започнува својот пат кон Мундијалот на 26 март во Копенхаген. Доколку успееме да ја „скршиме“ Данска, за пласман на СП ќе се бориме против победникот од дуелот меѓу Чешка и Република Ирска.
