Капитенот на Челси, Рис Џејмс, се соочува со нова пауза од фудбалските терени откако повторно ја повреди тетивата на коленото. Ова е дури 10-ти пат како англискиот дефанзивец страда од истата повреда од декември 2020 година, што фрла нова сенка врз неговата кариера.
Шок пред клучниот дуел со ПСЖ
Повредата доаѓа во најлош можен момент за тимот на Лиjам Росениор. Џејмс го пропушти денешниот тренинг пред утрешниот реванш од осминафиналето во Лигата на шампионите против ПСЖ, каде „сините“ бркаат негатива од 2-5. Според првичните информации, тој ќе отсуствува неколку недели.
Овој дебакл со повредите доаѓа само една недела откако Џејмс потпиша нов шестгодишен договор со клубот, верувајќи дека проблемите со телото конечно се зад него.
Светското првенство под знак прашалник?
Освен за Челси, ова е голем удар и за англиската репрезентација. Селекторот Томас Тухел сериозно сметаше на него за претстојното Светско првенство во САД, Канада и Мексико. Иако има време до крајот на мај за објавување на конечниот список, историјата на Џејмс (кој го пропушти Мундијалот во 2022 поради повреда) ги загрижува сите во Англија.
Челси во моментов се наоѓа на шесттото место во Премиер лигата, а отсуството на нивниот лидер во одбраната дополнително ќе ја отежне борбата за влез во топ 4 и завршницата во ФА Купот.
