Фудбалот во Аргентина отсекогаш бил познат по страста, тензијата, но и по лудите ситуации кои не можат да се видат никаде на друго место во светот. Вистински доказ за тоа е најновата хит-снимка која доаѓа од големото дерби на Авељанеда помеѓу Индепендиенте и Расинг Клуб.
Натпреварот заврши со победа на Индепендиенте од 1:0 (со голот на Габриел Авалос во 81. минута), но моментот кој го одбележа мечот се случи при крајот на првото полувреме при резултат 0:0.
Расинг доби пенал, а топката ја зеде Адријан Мартинез. Во обид да го понижи голманот на Индепендиенте на гостување кај лутиот ривал, тој се одлучи да изведе „паненка“. Резултатот? Топката отиде преку голот!
Но, вистинската комедија се случи веднаш потоа. Наместо вообичаените пцовки и турканици, играчите на Индепендиенте, предводени од пресреќниот голман, почнаа да му приоѓаат на Мартинез и саркастично да го гушкаат и да му честитаат за очајниот потег. Во еден момент, дури и голманот му даде пријателска прегратка, како да го теши за бламажата.
Racing Club’s Adrián Martinez misses a panenka in the Avellaneda derby, after which the Independiente players go up to him to congratulate him
by u/WarriorkingNL in soccer
Интернет-заедницата експлодираше од смеа:
- „Врв на фудбалско тролање!“
- „Аргентинската лига е тотално лудило.“
- „Кога постариот брат ќе го удри помалиот, па се обидува да го утеши за да не каже на мајка им!“
- „Во Football Manager ова е директна казна од 2 недели без плата и трансфер-листа.“
Аргентинскиот фудбал уште еднаш докажа зошто е единствен. Сакаш да се правиш фраер во дерби? Биди подготвен да станеш најголемиот интернет-меме за оваа недела!
