Селекторот на Бразил, Карло Анчелоти, го објави поширокиот список од 55 фудбалери за претстојното Светско првенство, а главното име кое ги предизвика сите наслови е – Нејмар. По речиси три години исполнети со тешки повреди и долга пауза од националниот тим, 34-годишната ѕвезда на Сантос е на чекор до својот четврти Мундијал.
Нејмар нема настап за „кариоките“ од октомври 2023 година, кога заработи тешка повреда на колената. Сепак, неговото враќање во матичниот Сантос му донесе нова енергија, па со пет гола и три асистенции на 12 меча, тој го убеди Анчелоти дека сè уште може да биде клучен фактор на големата сцена.
Враќање на ветераните и шок за „чудото од дете“ на Челси
Покрај Нејмар, Анчелоти реши да му укаже почит и на ветеранот Тијаго Силва, кој по одличната сезона со Порто и освоената титула во Португалија, повторно е меѓу кандидатите за одбраната.
Сепак, списокот не помина без лоши вести. Најголемото изненадување е отсуството на младиот суперталент на Челси, Естевао. Иако важеше за сигурен патник, повредата заработена на неодамнешниот натпревар против Манчестер Јунајтед го спречи тинејџерот да дебитира на светската сцена.
Групата Ц: Бразил против Мароко, Хаити и Шкотска
„Селесао“ ја започнува својата мисија за шестата светска круна на 16 јуни против селекцијата на Мароко. Во групата Ц се наоѓаат уште и репрезентациите на Хаити и Шкотска. Анчелоти има рок до 18 мај да го скрати овој список на финалните 26 патници.
Прелиминарен состав на Бразил:
Голмани: Алисон, Едерсон, Бенто, Хуго Соуза, Џон, Карлос Мигел. Одбрана: Маркињос, Тијаго Силва, Габриел Магаљаеш, Бремер, Лео Переира, Ибањез, Бералдо, Муриљо, Данило, Алекс Сандро… Среден ред: Касемиро, Бруно Гимараеш, Фабињо, Андреј Сантос, Лукас Пакета, Жоао Гомеш, Андреас Переира, Жоелинтон… Напад: Винисиус Јр, Рафиња, Габриел Мартинели, Нејмар, Ендрик, Антони, Ришарлисон, Жоао Педро, Матеус Куња…
