Оклахома Сити Тандер ја затвори полуфиналната серија од Западната конференција против Лос Анџелес Лејкерс со победа од 115-110 во четвртиот натпревар. Со вкупни 4-0 во серијата, актуелниот шампион патува во следната рунда, додека за Лејкерси ова значи крај на една тешка сезона.
Овој пораз воедно стави крај на 23-тата НБА сезона за Леброн Џејмс, по што очекувано се отвори прашањето за неговите следни чекори. И покрај своите 41 година, Џејмс одигра натпревар за почит, забележувајќи 24 поени, 12 скока и 3 асистенции за 40 минути поминати на паркетот. По средбата, тој искрено проговори за своите чувства:
„Искрено, не знам што носи иднината за мене. Сѐ уште сме под импресии од поразот. Сега сакам да се повлечам, да поминам време со семејството, да разговарам со нив, и кога ќе дојде моментот, сите ќе знаете што сум одлучил“, изјави Џејмс.
LeBron James on his immediate future and what will happen this offseason:
— Brett Siegel (@BrettSiegelNBA) May 12, 2026
"I don’t know, obviously. We’re still fresh from losing. I don’t know what the future holds for me… I’ll go back and recalibrate with my family and talk to them, spend some time with them, and when the…
Лејкерси дадоа силен отпор во обидот да ја продолжат серијата. Остин Ривс постигна 27 поени, Руи Хачимура додаде 25, додека Џексон Хејс имаше 18 поени. Сепак, тоа не беше доволно за да се запре одличниот Шеј Гилџес-Александер, кој доминираше со 35 поени и 8 асистенции, поддржан од 28 поени на Аџеј Мичел. Оклахома Сити повторно ја покажа својата константност и заслужено оди понатаму.
They asked LeBron if he compares this Thunder team to the 2010s Warriors and 90s Bulls 😳 pic.twitter.com/efx2mQQlbz
— Lakers Lead (@LakersLead) May 10, 2026
Ова лето Леброн Џејмс станува слободен играч, без договорен ангажман. Тој нагласи дека евентуалното враќање на теренот нема да зависи само од амбицијата за нова титула, туку од неговата подготвеност секојдневно да го поминува низ процесот на тренинзи и физичка подготовка кои ги бара играњето на највисоко ниво. Кошаркарскиот свет со почит и трпение ја очекува конечната одлука на еден од најдобрите играчи во историјата на спортот.
