На почетокот на овогодишното издание на Ролан Гарос, полската тенисерка Маја Хвалинска низ насмевка за време на едно интервју на теренот изјави дека, искрено кажано, никој не ја познава. Но, по три недели поминати на париската глина, нејзиниот статус во тенискиот свет е засекогаш променет. Во својот дури трет настап во главната ждрепка на еден грен слем турнир во кариерата, младата квалификантка успеа да направи вистинско чудо и да се пласира во големото полуфинале во Париз.
What a moment for Maja!!
— Roland-Garros (@rolandgarros) June 3, 2026
The dream run continues for the world No.114 ✨#RolandGarros pic.twitter.com/MYxebJdnef
Историски триумф на „Филип Шатрие“
Полската тенисерка во средата приреди уште едно големо изненадување откако на култниот терен „Филип Шатрие“ ја совлада 22-та носителка Ана Калинскаја со 7-6(3), 6-3. Хвалинска покажа неверојатна ментална цврстина во клучните моменти од тај-брејкот во првиот сет, а потоа со сигурна игра во вториот дел успеа целосно да го скрши отпорот на фаворизираната противничка и да ја одржи во живот својата мундијалска бајка.
Со овој епски триумф, Хвалинска го израмни најдобриот резултат постигнат од една квалификантка во женска сингл конкуренција на Ролан Гарос во Опен ерата. Последен пат ваков сензационален успех и пласман во најдобрите четири на парискиот грен слем успеа да забележи Надиа Подороска во 2020 година.
Бројки кои ја потврдуваат големината на чудото
Пред почетокот на овој турнир во Париз, Хвалинска се наоѓаше на 114-то место на ВТА листата и нејзините досегашни премиси воопшто не наведуваа на ваков расплет. Во својата професионална кариера на ВТА ниво, таа претходно имаше забележано само две победи на турнирите на земјена подлога. Истовремено, нејзиното целокупно грен слем искуство беше сведено на само една единствена победа во главната ждрепка, остварена на Вимблдон во 2022 година.
Прекрасната и занесна серија на полската тенисерка продолжува во полуфиналето, каде што ја очекува најтешкиот можен предизвик. За место во големото финале, таа ќе се бори против подобрата од дуелот меѓу светската тенисерка број еден Арина Сабаленка и Диана Шнајдер.
