Овогодишното издание на легендарната трка за Големата награда на Монако ќе влезе во историјата како едно од најбизарните, најхаотичните и со сигурност најнепредвидливите на сите времиња. Во услови кои во финишот наликуваа на вистинска драма наместо Ф1 трка, лидерот во шампионатот Кими Антонели покажа зошто во моментов е недопирлив. Младиот Италијанец во Мерцедес комплетно доминираше на тесните улици, извлече петта последователна победа во сезоната и ја зголеми својата предност на врвот на генералниот пласман на огромни 66 бодови.
Now it’s time to celebrate! 🤩🎉#F1 #MonacoGP pic.twitter.com/Ip5LjwEubj
— Formula 1 (@F1) June 7, 2026
Зад неговиот беспрекорен настап се случуваше вистински деструктивен хаос во кој дури седум возачи не ја минаа целната линија, патеката буквално почна да се распаѓа под тркалата, а судиите поделија рекорден број на казни за брзо возење во боксот.
Шок на самиот старт: Верстапен веднаш во аут, Мекларен без моќност
Драмата започна уште пред првиот свиок. Веднаш по гаснењето на црвените светла, болидот на второпласираниот Макс Верстапен претрпе ненадеен дефект со моторот. Четирикратниот светски шампион само немоќно гледаше како сите возачи го прелетуваат на патеката, по што веднаш се упати во боксот и стана првото шокантно откажување (DNF) на денот. Антонели го искористи тоа и мирно го задржа водството, отворајќи разлика која во еден момент изнесуваше неверојатни 30 секунди пред возачите на Ферари.
Not the start Max wanted at all! 😲
— Formula 1 (@F1) June 7, 2026
Onboard with Verstappen as he fails to make it off the grid here in Monaco ⬇️#F1 #MonacoGP pic.twitter.com/wAWB8H37I9
Како што одминуваа круговите, механичките дефекти почнаа да земаат замав во падокот. Валтери Ботас во Кадилак мораше принудно да се повлече поради хроничните проблеми со кочниците, а набрзо му се приклучи и Ландо Норис во Мекларен, чиј мотор комплетно ја изгуби моќноста, означувајќи ја првата трка сезонава во која актуелниот шампион не освои ниту еден бод. Проблеми имаше и Оливер Берман во Хаас кој исто така предвреме го заврши својот настап во Кнежевството.
Скршен асфалт, црвено знаме и идентични судири на Строл и Леклер
Вистинското лудило во Монте Карло започна на околу 20 круга пред крајот, кога Ланс Строл направи грешка и силно го удри својот Астон Мартин во заштитната ограда на последниот свиок, што го принуди безбедносното возило да излезе на патеката. Тимовите го искористија тоа за масовно менување на гуми, но пред самиот рестарт, на идентичен начин во истиот тој последен свиок излета и домашниот миленик Шарл Леклер, уништувајќи ги соништата на Ферари за двоен подиум.
Onboard with Charles Leclerc for his crash, prior to the Red Flag! 👇#F1 #MonacoGP pic.twitter.com/VdOHk9FSRM
— Formula 1 (@F1) June 7, 2026
По овој судир, ФИФА и судиите донесоа радикална одлука и ја прекинаа трката со црвено знаме. Причината беше фрапантна – асфалтната подлога на тој дел од патеката комплетно почна да се распаѓа и да се крши под силината на болидите. По пауза од нешто повеќе од половина час, во која работниците итно ја санираа патеката, трката продолжи со сосем нов старт од место. Антонели уште еднаш реагираше брилијантно, се одлепи од Луис Хамилтон и сигурно ја запечати победата, додека Хамилтон со второто место се проби на втората позиција во шампионатот.
Here’s how the restart unfolded in Monaco! 😮💨⬇️#F1 #MonacoGP pic.twitter.com/Y7g6V4iBy4
— Formula 1 (@F1) June 7, 2026
Фестивал од казни во боксот: Кадилак до историски бод, тактички срам за Расел
Она што се случуваше зад водечкото дуо беше рамно на комедија. Судиите досудија дури шест казни за пребрзо возење во пит-лејнот, а најголеми жртви беа Пјер Гасли и Џорџ Расел. Гасли во болидот на Алпин ја мина целта како трет, но поради две последователни казни од по пет секунди падна дури на седмото место. Тоа му донесе сензационален прв подиум во кариерата за младиот Исак Хаџар во вториот болид на Ред Бул (иако Хаџар е под дополнителна истрага за прекршок под црвено знаме, па не се знае дали подиумот ќе остане запишан зад неговото име). Оскар Пијастри во Мекларен се избори за четврто место, пред одличното дуо на Рејсинг Булс, Лијам Лосон и Арвид Линдблад кои завршија на петтата и шесттата позиција.
Вистински тактички срам доживеа возачот на Мерцедес, Џорџ Расел. Тој исто така доби казна за брзина во боксот, но тимот направи почетничка грешка и не ја одработи за време на безбедносното возило, па Расел мораше да оди на казна „за неотсложување на казната“ по рестартот. Во очај да направи предност, Расел по рестартот почна намерно да вози екстремно бавно половина круг за да ги задржи болидите зад себе и да направи простор од шест секунди зад Хамилтон, надевајќи се дека така ќе ја отслужи казната без губење места. Оваа негова тактика создаде невиден сообраќаен метеж и нервоза во колоната, но воопшто не вроди со плод бидејќи Расел заврши надвор од бодовите на 13-то место.
Во тој метеж што го сопре Расел, Нико Хулкенберг со своето Ауди буквално го прелета и го изврте Карлос Сајнц (Вилијамс) на излезот од свиокот Ловс, а во Сајнц потоа удри и Франко Колапинто. Хулкенберг за ова доби тешка казна од 10 секунди и падна на 14. место, а Алекс Албон со осмото место остана единствен спас за Вилијамс. Деветтото место му припадна на Естебан Окон во Хаас, додека Серхио Перез го запиша првиот историски бод за Кадилак во Формула 1 со освојувањето на 10-то место, иако Мексиканецот е под дополнителна истрага за погрешно позиционирање на стартот. Фернандо Алонсо со својот неволив Астон Мартин остана прв под цртата за бодови на 11. позиција.
