Возбудувањата во седмата рунда од шампионатот во Формула 1 донесоа фантастични и застрашувачки незивесни квалификации на патеката Барселона-Каталуња. Џорџ Расел успеа да ја осигура својата пол-позиција возајќи беспрекорен круг со време од 1м14.679с, но главната приказна на денот е комплетното заживување на брзината кај Мерцедес и бруталната битка на самиот врв.
Расел утре во првиот ред ќе стартува рамо до рамо со својот поранешен тимски колега Луис Хамилтон. Сегашниот лидер на Ферари извлече максимум од својот болид во самиот финиш, заостанувајќи зад Расел за нереални 0.064 секунди. Веднаш зад нив, во вториот стартен ред, ќе се наоѓаат младата надеж на Мерцедес, Кими Антонели (+0.319с) и Ландо Норис со Мекларен (+0.322с), што ветува пеколно утрешно лансирање во Барселона.
Хаос во Q3: Леклер во заштитната ограда и брзи реакции во пит-лејнот
Последната квалификациска сесија (Q3) започна со шокантен инцидент по само неколку минути. Шарл Леклер ја загуби контролата над заднот дел од своето Ферари помеѓу кривините 4 и 5, па по една нагла корекција, болидот ненадејно изгуби контрола и удри директно во заштитните бариери, комплетно уништувајќи го предното крило. Црвеното знаме веднаш ја прекина сесијата, а во тој момент само Оскар Пијастри и Макс Верстапен имаа заведено официјално време.
That’s a pretty big hit 💥
— Formula 1 (@F1) June 13, 2026
Here’s the moment Leclerc’s qualifying came to an end 🎥#F1 #BarcelonaGP pic.twitter.com/XmX5kp76mw
По рестартот, со само 8 минути преостанати на часовникот, видовме вистинска тактичка шаховска партија во боксовите. Механичарите на Мерцедес и Мекларен немаа време да ги враќаат болидите во гаражите, па направија експресна замена на гуми на самиот излез од пит-лејнот за да ги фатат клучните два обиди. Макс Верстапен со Ред Бул беше најбрз во првиот сектор, но болидот губеше премногу време во техничкиот среден сектор, па актуелниот шампион мораше да се задоволи со петтата стартна позиција, веднаш пред својот тимски колега Исак Хаџар.
Домашен дебакл за Астон Мартин и очај за Кадилак во Q1
Ако во претходните сесии имаше изненадувања, првата квалификациска фаза (Q1) донесе вистински шок и разочарување за шпанските навивачи на трибините. Тимот на Астон Мартин доживеа комплетна катастрофа на домашен терен. Ленс Строл (21-ви) и домашниот миленик Фернандо Алонсо (22-ри) забележаа очајни времиња и беа елиминирани уште на самиот старт како најбавни на патеката.
Во оваа рана фаза испаднаа и двата болиди на Кадилак предводени од Серхио Перез и Валтери Ботас, како и Естебан Окон и Алекс Албон со Вилијамс.
Во втората сесија (Q2), пак, без пласман во топ 10 останаа дебитантот Арвид Линдблад со Рејсинг Булс (кој имаше сериозен технички проблем со хибридниот систем и неможност за испорака на моќност во клучниот круг), Габриел Бортолето со Ауди, Франко Колапинто и Пјер Гасли со Алпин, како и Оли Берман и Карлос Саинц.
Утрешната трка во Барселона започнува со тотален отворен фронт меѓу Мерцедес, Ферари и Мекларен, каде Расел ќе мора тактички да се брани од бруталниот напад на искусниот Хамилтон уште во првиот метар.
Официјален поредок во топ 10 за трката во Барселона:
- Џорџ Расел (Мерцедес) 1:14.679
- Луис Хамилтон (Ферари) +0.064
- Кими Антонели (Мерцедес) +0.319
- Ландо Норис (Мекларен) +0.322
- Макс Верстапен (Ред Бул) +0.342
- Исак Хаџар (Ред Бул) +0.398
- Оскар Пјастри (Мекларен) +0.411
- Лиам Лоусон (Рејсинг Булс) +1.863
- Нико Хулкенберг (Ауди) +1.978
- Шарл Леклер (Ферари) без време во Q3
