Светските првенства не се само формации, тактики и контроверзни ВАР одлуки – тие се и суеверија, традиција и неверојатен фолклор кој најчесто доаѓа од африканскиот континент. Да бидеме брутално искрени, да не беа африканските репрезентации и нивните колоритни навивачи, Мундијалот дефинитивно ќе беше многу подосаден!
Ако ги следите мечевите, сигурно досега го забележавте навивачот на Гана кој со бебешка пудра прави „магии“ на трибините.
А, најновиот хит служи како урнебесно „објаснување“ за тоа зошто англискиот капитен Хари Кејн не успеа да ја затресе мрежата на нивниот меѓусебен дуел во Бостон (0-0). Ако мислевте дека Кејн промашуваше поради лошата формација на Томас Тухел или цврстата одбрана на противникот, сериозно сте се излажале. Проблемот бил од спиритуална природа!
Познатиот врач и спиритуалист од Гана, Нана Кваку Бонсам, излезе со тврдење дека тој лично го „врзал“ англискиот напаѓач пред натпреварот. Но, за среќа на сите англиски навивачи, пред нивниот решавачки дуел со Панама, Бонсам одлучи да се смилува и да ја тргне клетвата.
„Јас сум најмоќниот спиритуалист на светот. Сега ќе го ослободам Хари Кејн за да може да постигне гол на следниот натпревар на Англија“, изјави Бонсам во своето најново обраќање.
🇬🇭“I am the most powerful spiritualist in the world. I am now going to release Harry Kane so that he can score in England’s next match.”
— we love ghana (@weloveghana042) June 24, 2026
— Nana Kwaku Bonsam said as he claimed to have spiritually tied England captain Harry Kane before now “releasing” him. pic.twitter.com/YYO1fTZ6mt
Останува да видиме дали „магијата“ навистина ќе проработи и дали Кејн повторно ќе почне да решета мрежи штом конечно е „ослободен“ од африканските духовни окови.
