Се сеќавате на ланскиот хаос во Мајами? Кога најдобрите возачи во светот седнаа во Лего болиди, а целата патека беше расфрлана со пластични коцкички поради „неконтролираната смеа“ и судирите меѓу возачите? Епа, спремете се – Лего се враќа во Силверстоун, но овојпат со многу „поопасно“ оружје.
Од двоседи до борбени машини
Ако лани возеа споени „двоседи“ кои се распаѓаа при секој допир, годинава Лего носи 22 индивидуални мини-картинзи. Дизајнирани според барањата на самите возачи, овие машини се помали, побрзи и, како што велат самите креатори, направени за „борба“. Секој болид е направен од над 28.300 коцкички, а под хаубата се крие електричен мотор кој може да развие брзина од околу 30 км/ч, што е значително побрзо од ланските модели.
Дизајнерите од фабриката во Кладно, Чешка, научиле многу од „трагите на уништување“ во Мајами. Овојпат, болидите имаат челична конструкција, заштитни рамки и дополнителни браници за да се спречи „губењето коцкички“ на секои сто метри.
Formula 1 will transform the Drivers’ Parade this Sunday at the British Grand Prix into a full scale spectacle, with 22 drivable @LEGO_Group minicars in each of the Teams’ colourways taking to track just moments before lights out and each made from 28,000 real LEGO bricks.
— F1 Media (@F1Media) July 2, 2026
For… pic.twitter.com/VTvhl3bLy9
Лего: Играчка или сериозна „војна“?
„Научивме многу лекции во Мајами. Главно – дека болидите ќе бидат искршени“, изјави Џонатан Џурион, главниот дизајнер на Лего. „Сега ги направивме картинзите што е можно побезбедни за возачите, но и доволно издржливи за да издржат секаков вид на ’контакт’ на патеката“.
Комбинираните 6.400 часови работа на тимот од 20 инженери и дизајнери ќе кулминираат во недела на Силверстоун, токму пред стартот на Британското Гранд При.
Што да очекуваме?
Ако се суди според минатата година, ова е дефинитивно омилениот дел од сезоната за возачите. Додека во болидите на Ф1 мора да бидат максимално сериозни и прецизни, во овие Лего „мини-ѕверови“ гледаме како 22-ца од најдобрите возачи на планетава се претвораат во деца кои едвај чекаат да се судрат едни со други.
Парадата е закажана за 13:00 часот по локално време, а доколку сакате да го гледате хаосот во живо, Ф1 ќе го емитува преку својот официјален YouTube канал. Подгответе се, бидејќи 22 Лего болиди на патеката во Силверстоун не може да завршат поинаку освен со многу смеа и уште повеќе пластични делови расфрлани по асфалтот!
