Нотингем Форест официјално го потврди ангажманот на Лијам Делап од редовите на Челси, реализирајќи го најскапиот трансфер во својата клупска историја. Според информациите, „шумарите“ ќе платат загарантирани 45 милиони фунти (52 милиони евра) за 23-годишниот напаѓач, а сумата може да достигне и до 50 милиони фунти со вклучени бонуси.
Ова е вторпат во тековниот преоден рок раководството на Форест да го урива сопствениот трансфер рекорд. Претходно, клубот издвои 40 милиони евра за дефанзивецот Усман Диоманде од Спортинг Лисабон. Делап, кој успешно ги мина медицинските прегледи и стави потпис на петгодишен договор, е петтото летно засилување за тимот на Оливер Гласнер, по пристигнувањето на Диоманде, Густаво Са, Ксавер Шлагер и Стивен Бенда.
Амбиции за враќање на старата слава
Младиот голгетер не го криеше задоволството по комплетирањето на трансферот, истакнувајќи дека едвај чека да истрча на култниот „Сити Граунд“. Тој потенцираше дека разговорот со менаџерот Гласнер бил клучен за неговата одлука и верува дека токму овој систем ќе му помогне да го направи следниот чекор во кариерата. Напаѓачот оптимистички најави дека главната цел на тимот е да изгради нешто силно и да се наметне како конкурентен и врвен клуб во Премиер лигата.
“I think he can be the one to really help me to develop.”
— Nottingham Forest (@NFFC) August 27, 2026
Liam Delap’s first Forest interview. 🗣️ pic.twitter.com/LIKoo1IueT
Неславен крај на епизодата во Лондон
Заминувањето на Делап од „Стемфорд Бриџ“ беше очекувано откако тренерот Чаби Алонсо не го повика за стартниот триумф над Фулам и го отстрани од редовните тренинзи со првиот тим. Напаѓачот пристигна во Челси минатото лето од Ипсвич за 40 милиони евра по одличната сезона со 12 постигнати голови, но повредите го спречија да се докаже.
Минатата сезона тој постигна само еден првенствен гол, по што го загуби и дресот со број 9 кој му припадна на Жоао Педро. Со ангажманот на Дени Велбек, Челси ја заостри конкуренцијата во нападот, што беше јасен сигнал дека Делап мора да побара нова средина за спас на својата кариера.
