Денес на Вимблдон беа одлучени и последните полуфиналисти во машка конкуренција. После два одлични меча, го добивме и второто дуо кое ветува вистински спектакл – Новак Ѓоковиќ и Јаник Синер.
За Ѓоковиќ ова беше 102 победа на Вимблдон, а српскиот тенисер одигра навистина тежок меч против Италијанецот Флавио Коболи за да дојде до неа.
Италијанскиот тенисер беше на вистински предизвик и одличен противник на тревниот терен, а Ноле на крајот успеа да победи со резултат 6(6)-7(8), 6-2, 7-5, 6-4 во сетови.
Ова е дури 14 пат Ѓоковиќ да се пласира во полуфиналето на престижниот тениски турнир, повеќе од било кој друг тенисер. А, кога тоа беше спомнато во интервјуто по натпреварот, публиката со стоечки овации му аплаудираше за ова достигнување. “Ви благодарам што аплаудирате за моите години, ме прави да се чувствувам навистина млад”, се пошегува Србинот.
“Вимблдон отсекогаш бил и ќе биде најпосебниот турнир кој го имаме во нашиот спорт, барем според моето мислење. Многу играчи биле тука и ми значи многу што сум уште тука”, изјави Ноле.
При крајот на исцрпувачкиот меч Ѓоковиќ имаше и пад, но успеа да го доигра мечот до крај, но изјави по натпреварот дека неговиот медицински тим ќе мора убаво да го провери коленото во наредните два дена.
“Hopefully all will be well in two days.”
Novak Djokovic comments on his fall in the final game of the match#Wimbledon pic.twitter.com/J6KtaFwemD
— Wimbledon (@Wimbledon) July 9, 2025
На другиот натпревар и Јаник Синер беше неизвесен до самиот крај поради повредата на раката со која се здоби во претходниот меч против Димитров. Токму поради неизвесноста околу тоа дали тој ќе успее да одигра цел меч без откажување, беше и причината што организаторите го преместија неговиот меч од Централниот терен, на споредниот прв терен.
Сепак, Јаник Синер не само што успеа да го заврши мечот, туку и успеа да победи без некои поголеми проблеми во натпреварот против американската тениска надеж Бен Шелтон, за конечен резултат од 7(7)-6(2), 6-4, 6-4 во сетови.
Мислењето за Вимблдон го сподели и светскиот тенисер број еден: “Се сеќавам првиот пат кога играв полуфинале тука, ова е многу посебен турнир за мене, но и за сите. Ова е најпосебниот турнир кој го имаме”.
Погледнете ги меч топките на двата натпревари.
Sinner’s on song
The world No.1 takes down Ben Shelton in straight sets, 7-6(2), 6-4, 6-4 to reach the SF#Wimbledon pic.twitter.com/6McH2zd2kG
— Wimbledon (@Wimbledon) July 9, 2025
Another one to add to the list
Novak Djokovic reaches his 14th #Wimbledon semi-final with a defiant comeback against Flavio Cobolli, winning 6-7(6), 6-2, 7-5, 6-4 on Centre Court
What a performance from the Serb pic.twitter.com/NMntCojSTH
— Wimbledon (@Wimbledon) July 9, 2025
