Во последните неколку часа, од Англија пристигнува вистинска трансфер “бомба” која ги разгоре социјалните мрежи. Според еден од најверодостојните извори кога станува збор за вести поврзани со Арсенал, профилот на X (Twitter), The Red Side of London, лондонскиот клуб испратил јасна порака до Реал Мадрид за своите намери.
Како што се наведува во објавата, Арсенал го информирал Реал Мадрид дека е подготвен да плати неверојатни 78 милиони фунти (90 милиони евра) за бразилскиот репрезентативец Родриго.
Понудата е структурирана на следниот начин: 44 милиони фунти да бидат исплатени веднаш, плус две дополнителни рати од по 17 милиони фунти.
Она што е клучно во целата приказна е информацијата дека и самиот играч е отворен за ваков трансфер и дека наскоро се очекуваат конкретни преговори помеѓу двата клуба. Во истата објава се додава и дека Габриел Мартинели не е на продажба, со што се става крај на шпекулациите дека тој би можел да биде жртвуван за овој трансфер.
Доколку се реализира, ова несомнено ќе биде еден од најголемите трансфери ова лето.
🚨 #AFC have informed #RMFC they’re willing to pay £78m (€90m) for #Rodrygo — structured as £44m upfront + two £17m instalments. Player open to the move. Expect concrete talks soon. #Martinelli not for sale. 🇧🇷
— The Red Side of London (@Red_London21) July 14, 2025
