Португалската суперѕвезда, Кристијано Роналдо, продолжува да ги собира индивидуалните признанија и во Саудиска Арабија. 40-годишниот напаѓач освои две престижни награди за изминатата сезона 2024/2025 во саудиската Про лига – наградата за најдобар играч и наградата за најдобар гол на сезоната.
View this post on Instagram
Двете награди се резултат на гласањето на навивачите, што е доказ за огромната популарност што Роналдо ја ужива на Блискиот Исток.
Доминација во бројки
Роналдо имаше импресивна сезона во дресот на Ал-Наср. Тој беше најдобар стрелец во лигата со 25 постигнати гола на 30 натпревари, а беше прогласен и за играч на натпреварот дури 15 пати.
Наградата за најубав гол му беше доделена за спектакуларниот погодок од прва од работ на шеснаесетникот, постигнат на натпреварот против Ал-Ријад.
قذيفة “التاريخي” كانت الأفضل 🐐
جائزة أفضل هدف في الموسم من اختيار الجمهور المقدّمة من @BSF_sa 🏆
حققها كريستيانو رونالدو 🇵🇹#دوري_روشن_السعودي pic.twitter.com/Jy9x2Czw4L
— دوري روشن السعودي (@SPL) July 16, 2025
Овие награди се само уште една потврда за неговиот статус во клубот, каде што неодамна го продолжи договорот под неверојатни услови. Како што претходно пишувавме, Роналдо со новиот договор добива и сопственост во клубот, како и неделна плата од 550 илјади евра.
Иако има и такви кои сметаат дека не ги заслужил наградите, бројките и гласовите на навивачите говорат поинаку. На 40-годишна возраст, Кристијано Роналдо сè уште е еден од најдобрите во светот.
