Португалскиот фудбалер Диого Жота, кој животот го загуби во сообраќајна несреќа заедно со неговиот брат Андре, беше страсен член на гејмерската заедница.
Неговата љубов кон е-спортот можеби не беше толку позната како неговата игра во дресот на Ливерпул, но тој посветуваше голем дел од своето време на играње на фудбалската онлајн игра.
Но, колку и да потпишуваа фановите петиции за негово останување во играта и после смртта, едноставно тоа не е возможно, па како што е праксата со сите фудбалери кои повеќе не играат, и Диого Жота беше отстранет од “FC25”.
Сега играчите нема повеќе да можат да играат со Жота во стартот на сезоната, ниту да го одберат во “кариерното подесување”.
Во негова чест и за славење на животот на еден страсен член на гејмерската заедница, “EA Sports” на сите играчи им испрати специјален тифо пакет со сите дресови за кој играше тој.
