Синоќа фудбалскиот клуб Џирона за прв пат го освои Купот на Каталонија, и тоа на 95 годишнината од нивното постоење. Клубот, кој од сезона во сезона се пробива во силната Ла Лига, е дом и на нашиот Бојан Миовски.
Иако не се знае уште колку време Миовски ќе остане во каталонскиот клуб, сепак тој беше тука за да одигра за освојувањето на првиот ваков трофеј во долгата историја на Џирона.
Во регуларниот дел немаше голови, па со нерешен резултат од 0:0 натпреварот отиде во пенал завршница, каде со свој погодок се запиша токму и нашиот Бојан за конечен резултат од 5:4.
Погледнете дел од атмосферата и славењето на Миовски со соиграчите од Џирона.
Campions de Catalunya en el dia del 95è Aniversari del Club! 🏆❤️🤍 pic.twitter.com/9GPKVVCmbX
— Girona FC (@GironaFC) July 23, 2025
