Во овие пеколни летни горештини, најдобро е да се “оладиме” со една мајсторија која е толку “ладна” што го замрзнува времето. Официјалниот профил на Бундеслигата неодамна сподели видео од еден заборавен фудбалски бисер, кој веднаш стана вирален хит и ги потсети фановите на златните денови на Шалке 04.
Станува збор за магичната асистенција на шпанскиот играч од средниот ред, Хосе Мануел Хурадо, до легендарниот голгетер, Раул Гонзалес Бланко.
Уметност на теренот
Потегот е вистинска уметност. Хурадо, со грб свртен кон голот и опкружен со противнички играчи, со генијален потег, без гледање, ја надмудри целата одбрана и го остави Раул сам пред голманот, кој лесно ја заврши работата.
Оваа асистенција предизвика лавина од реакции на социјалните мрежи, а многумина ја оценија како “најдобра асистенција во историјата на Бундеслигата”, па дури и “најдобра во историјата на фудбалот”. Еден фан дури предложи да се воведе “Хурадо награда за најдобра асистенција”.
Погледнете ја магијата и проценете сами.
View this post on Instagram
Потсетник на една златна ера
Овој потег е повеќе од само асистенција, тој е потсетник на една златна ера на Бундеслигата и на тимот на Шалке кој тогаш беше полн со ѕвезди.
“Тој тим на Шалке… Бундеслигата го достигна врвот во 2010, Раул и Ван Нистелрој беа чиста магија”, гласи еден од носталгичните коментари. Ова е потсетување на времето кога фудбалот се играше со елеганција, магија и насмевка.
