Новиот напаѓач на Арсенал, Виктор Ѓокереш, уште пред да го одигра првиот натпревар за клубот, веќе руши рекорди. Швеѓанецот пристигна од Спортинг за 63.5 милиони евра, а неговиот дрес со број 14 стана најпродаван во историјата на “топџиите”!
Интересот за Ѓокереш е огромен, особено откако клубот објави промоција: бесплатно печатење на неговото име на сите нови дресови, понуда што обично чини 16 фунти. Реакцијата на фановите? Веб страницата на Арсенал падна од преголема посетеност.
Бројот 14 не е случаен избор, тоа е легендарниот број на Тиери Анри, најдобриот стрелец во историјата на Арсенал. Иако Ѓокереш преферира “деветка”, таа веќе му припаѓа на Габриел Жесус.
This is where you need to be.
Viktor Gyökeres is a Gunner
Narrated by Kojey Radical pic.twitter.com/k7qLBUyW61
— Arsenal (@Arsenal) July 26, 2025
Арсенал веќе подолго време бараше класичен голгетер, а со доаѓањето на Ѓокереш, надежите на навивачите добија нова искра. Само во првите денови по трансферот, продажбата на неговиот дрес ги надмина оние на Сака, Рајс и Одегард.
Тренерот Микел Артета потврди дека целиот клуб е “многу возбуден” за новото засилување. Навивачите го пречекаа со овации во Сингапур, а следната станица му е Хонгконг, каде Арсенал на 31 јули ќе се соочи со Тотенхем.
Great to have you with us, Viktor pic.twitter.com/UTohPE17Ez
— Arsenal (@Arsenal) July 27, 2025
“Welcome to the family man.”
Viktor Gyökeres meeting his Arsenal teammates for the first time pic.twitter.com/UFvIT0Ps9r
— Arsenal (@Arsenal) July 29, 2025
