Трансфер-сагата околу Александер Исак е повеќе од само фудбал. Според последните информации, таа е војна на моќ, его и геополитика помеѓу два од најмоќните сопственички групации во светот на спортот, американската Fenway Sports Group (FSG), која го поседува Ливерпул, и саудискиот Јавен инвестициски фонд (PIF), кој стои зад Њукасл.
Она што на површината изгледа како класична трансфер-драма, во позадина крие приказна за одмазда и стратешко „малтретирање“, каде што шведскиот напаѓач е само пион во многу поголема игра.
Официјалната приказна: Њукасл ја одби понудата, Исак сака да си оди
Според најрелевантниот новинар за трансфери, Дејвид Орнстин од “The Athletic”, Њукасл официјално ја одбил првата понуда од Ливерпул за Александер Исак. Иако претходно имало неформални контакти, сега “црвените” доставиле и конкретна понуда, која веднаш била одбиена.
Во меѓувреме, ситуацијата е тензична. Исак јасно му ставил до знаење на клубот дека сака да си замине и додека неговите соиграчи се на турнеја во Азија, тој индивидуално тренира во Шпанија. Од клубот се обиделе да го убедат да остане, нудејќи му нов договор, па дури и ги ангажирале сениорите во соблекувалната да разговараат со него, но тој не го променил својот став.
🚨 EXCL: Newcastle reject official bid from Liverpool for Alexander Isak. Initial approach informal – now firm #LFC offer & turned down. #NUFC suggested new deal with 2026 release clause + senior team-mates pushed 25yo to stay but wants move @TheAthleticFC https://t.co/UGGBHUGMxm
— David Ornstein (@David_Ornstein) August 1, 2025
Теоријата на заговор: Вистинската приказна е многу подлабока
Но, според одредени извори кои нудат поинаква перспектива, целата оваа драма е само театар. Според профилот “Interim Merlin” на X (Твитер), кој тврди дека има внатрешни информации, ова не е вистинска трансфер-битка, туку војна помеѓу сопствениците.
Приказната, наводно, започнала уште во 2023 година, кога саудискиот PIF се обидел да купи малцински удел во компанија поврзана со сопствениците на Ливерпул, FSG, но биле одбиени. Оваа одбивка, според теоријата, создала тивка тензија помеѓу двете моќни групации.
Сега, потегот на Ливерпул за Исак не е вистинска желба да го купат, туку стратешки потег за да го дестабилизираат Њукасл. Тие свесно пласираат информации за понуди и високи плати, со цел да го направат нивниот најдобар играч нервозен и да создадат раздор во клубот – како еден вид одмазда.
“Ова не е преговарање. Ова е притисок. И не започнува на фудбалско ниво, туку многу повисоко”, се вели во објавата. Според овој извор, Ливерпул нема итна потреба од напаѓач и нема намера наскоро да достави понуда која Њукасл би ја прифатил. Нивниот потег не е да го купат играчот, туку да го нарушат мирот во ривалскиот табор.
Isak is a scapegoat caught between two powerful forces.
The Isak case is bigger than the average football fan thinks it is.
This is what they want you to believe, that it’s just a transfer story.
But something deeper is happening behind the scenes.
It’s time to make that… pic.twitter.com/Y1qXtTwTzo
— Interim Merlin (@interimerlin) July 31, 2025
Заклучок: Кој е во право?
Вистината е веројатно некаде на средина. Но, едно е сигурно, Александер Исак е заглавен во средината на една голема игра. Дали на крајот ќе се реализира рекорден трансфер, или пак, ова ќе остане само како приказна за тоа како се водат модерните фудбалски војни, останува да видиме. Но, во оваа игра, Исак е само првиот потег.
