Еден од клучните играчи на Тотенхем, Џејмс Медисон, нема да може вечерва да му помогне на својот клуб во борбата против гигантот ПСЖ, поради повредата со која се здоби за време на пријателскиот меч против Њукасл од претсезонското загревање во Сеул.
“Ова е најниско што сум бил. Скршен сум што оваа повреда се случи во ваков момент од мојата кариера. Со Суперкупот, сезоната на Премиер лигата и возбудливиот влез во Лигата на шампионите, како и Светското првенство за Англија, оваа повреда изгледа многу многу сурово. Но, сепак операцијата помина успешно и сакам да се заблагодарам на сите мои блиски пријатели и семејството, вашата љубов и поддршка ми значат сè на светот”, пишува во емотивната објава на играчот од средниот ред.
Тој им се заблагодари и на сите навивачи кои постојано му испраќаат пораки за побрзо заздравување: “На сите оние кои се потрудивте да ми пишете за да ме поддржите и да ми посакате побрзо оздравување и покрај тоа што не се знаеме лично, ве ценам повеќе од што можете да замислите”.
“И за крај, за сите оние кои се сомневаат, шират омраза и се зафркаваат. Вие навистина ме мотивирате да достигнам нивоа кои не сум мислел дека можам внатре во себе, па повторно, ви благодарам и вам”, завршува Медисон.
Неговиот клуб вечерва ќе се соочи со далеку пофаворизираниот ПСЖ, па сигурно на фудбалерот ќе му биде тешко да го следи натпреварот на ТВ екранот во болничката соба наместо на теренот.
Lowest low I’ve ever had. Heartbroken at the fact this injury has occurred at this time in my career. With the Super Cup tomorrow, the premier league season on the horizon, the exciting champions league campaign & it being a World Cup year for England it all feels very very cruel… pic.twitter.com/m0TgKlo8Sk
— James Maddison (@Madders10) August 12, 2025
