Јаник Синер е првиот полуфиналист на турнирот во Синсинати, откако вечерва го совлада противникот Феликс Оже-Алијасим со 2:0.
Канаѓанецот успеа да му земе само два гема во вториот сет на светскиот тенисер број еден, па конечниот резултат во сетови беше 6-0, 6-2, со што Синер експресно дојде до полуфиналето.
Синер со ова е поблиску до одбраната на титулата од лани, а уште еден импресивен податок е што ова беше 25 последователна победа за него на тврдите терени, со што се приклучи на елитното друштво на Новак Ѓоковиќ, Рожер Федерер, Енди Мареј и Рафаел Надал, кои го постигнаа ова во последниот век.
Следен предизвик за Јаник Синер ќе биде полуфиналето, каде ќе се сретне со победникот од мечот помеѓу Холгер Руне и Теренс Атман.
Jannik on fire 🔥 pic.twitter.com/J5Tzxt60Qq
— Cincinnati Open (@CincyTennis) August 14, 2025
See you in the semis 👋 pic.twitter.com/XsavnDNKSI
— Cincinnati Open (@CincyTennis) August 14, 2025
