По големата победа од 2:1 над Атлетико Мадрид на отворањето на новата сезона во Ла Лига, фудбалскиот свет не зборува само за резултатот, туку за неверојатно страствениот говор на тренерот на Еспањол, Маноло Гонзалес. Неговата приказна и емотивниот однос кон клубот го прават овој момент уште попосебен.
While Atleti’s collapse will take headlines , Manolo’s story stands out — Starting coaching at 16 , Spending years in regional football , And now seizing the chance to lead his boyhood club with passion , As seen in his team talk
byu/Shroft insoccer
Од возач на автобус до спасител на Еспањол
Патот на Маноло Гонзалес не е типичен. Неговата играчка кариера била прекината на 21 година поради повреда, но тој ја започнал тренерската уште на 16 години. Со години паралелно работел и како возач на градски автобус во Барселона за да преживее, додека го калел занаетот во ниските лиги.
Шансата ја доби минатата сезона, кога го презеде првиот тим на Еспањол во март, во момент кога клубот беше во тешка битка за опстанок. Со серија на одлични резултати, тој успеа да го спаси тимот од испаѓање, беше прогласен за тренер на месецот во април и го заслужи новиот договор до 2027 година.
Победа за паметење и ветувачка сезона
Победата над моќниот Атлетико Мадрид, со головите на Мигел Рубио и Пере Миља, е само потврда за неговата работа и страст. Овој триумф и неговиот говор се совршен почеток на новата сезона, а навивачите на Еспањол имаат причина да бидат оптимисти под водство на човек кој вистински го сака и го разбира клубот.
Погледнете ги најдобрите моменти од големата победа:
