Марк Маркез конечно успеа! Во една од највозбудливите трки оваа сезона, осумкратниот светски шампион за првпат во својата кариера победи на Големата награда на Австрија, “скршнувајќи” ја клетвата на Ред Бул Ринг. Победата дојде по спектакуларен дуел со Марко Бецеки и преживување на неверојатниот налет на рукито Фермин Алдегер во завршницата.
Со овој триумф, кој доаѓа по победата и во саботната спринт трка, Маркез ја продолжи својата неверојатна серија на 12 последователни победи и ја зголеми предноста во шампионатот на речиси недостижни 142 поена.
Дуел за паметење: Маркез против Бецеки
Трката беше вистински трилер од самиот почеток. Пол-позицијата на Марко Бецеки му овозможи да го преземе водството, но Маркез веднаш тргна во потера. Двајцата возачи водеа жестока битка, со неколку спектакуларни претекнувања, пред Маркез конечно да го скрши отпорот и да го преземе водството.
Рукито кое го “запали” асфалтот: Сензационалниот Фермин Алдегер
Но, драмата не застана тука. Од позадина, со неверојатно темпо, доаѓаше рукито Фермин Алдегер. Шпанецот, кој стартуваше како осми, леташе по патеката, ги претекнуваше ривалите еден по еден и на пет круга до крајот го помина и Бецеки за второто место. Во еден момент дури и изгледаше дека може да го загрози Маркез, но шампионот рутинирано ја задржа предноста од околу една секунда до крајот.
Кошмар за Бањаја, хаос на стартот и катастрофа за Јамаха
Овој викенд беше кошмарен за Пеко Бањаја. По хаотичниот старт на спринт трката, каде што тој и Алдегер за малку ќе предизвикаа масовен судир, проблемите продолжија и на главната трка. Двократниот шампион немаше ритам, падна во поредокот и на крајот заврши на разочарувачкото осмо место.
Викендот беше катастрофален и за Јамаха, чии возачи беа на дното на табелата, со најдобар пласман на 15-тото место.
Погледнете ги најдобрите моменти од една од највозбудливите трки оваа сезона:
