Вчера започна Отвореното првенство на САД со натпреварите од првата рунда, а меѓу највпечатливите во машка конкуренција беа оние кои се игра во раните утрински часови по македонско време.
Српскиот тенисер Новак Ѓоковиќ успеа да ја помине првата пречка кон својата 25 Гренд Слем титула, победувајќи го незгодниот противник Лернер Тјен со 6-1, 7(7)-6(3), 6-2 во сетови.
Вистинска драма се случуваше на мечот меѓу Данил Медведев и Бенџамин Бонзи, кои одиграа маратонски натпревар со многу пресврти. На крајот, Бонзи излезе како победник од целиот хаос, во меч кој имаше прекини, пресврти и предвреме влетување на фотограф на теренот кој мислеше дека мечот завршил.
Full video of the Medvedev-Bonzi-umpire-photographer drama that COMPLETELY changed the match.
Gotta feel for… Benjamin. Had to stand for 6 minutes before serving on match point while the stadium turned into a circus. A mess. pic.twitter.com/wkEz3B4K6B
— José Morgado (@josemorgado) August 25, 2025
Сепак, Медведев иако вистински се “запали” во последниот сет, не можеше да дојде до победата, па Бонзи славеше со 6-3, 7-5, 6(5)-7(7), 0-6, 6-4 во сетови.
И Американецот Накашима со Холанѓанецот Де Јонг одиграа вистински маратон на теренот, а Накашима на крајот славеше со 6-2, 6(5)-7(7), 2-6, 6–2, 7(10)-6(7) во сетови.
Од фаворитите полесно поминаа домашните ѕвезди Тејлор Фриц, кој го совлада Нава со 7-5, 6-2, 6-3 во сетови, како и Бен Шелтон кој го совлада Игнацио Бусе со 6-3, 6-2, 6-4 во сетови.
Ако судиме по самиот старт, ни следува навистина возбудлив турнир, па останете со нас на ова тениско патување.
Tiebreak Novak engages, and he takes the second set over Learner Tien.
He’s a set away from Round 2. pic.twitter.com/YQFhS7gWCN
— US Open Tennis (@usopen) August 25, 2025
