Првиот ден на Отвореното првенство во тенис, кое е најголемото натпреварување во САД, ни донесе многу возбудувања во женската конкуренција, но и изненадувања кои ги исполнија срцата на тениските фанови ширум светот.
Најпрво, сосема очекувано првата светска тенисерка, Арина Сабаленка успешно ја помина првата фаза од натпреварувањето, совладувајќи ја Ребека Масарова со 7-5, 6-1 во сетови.
Од фаворитките успешно помина и десетто рангираната Ема Наваро, која во натпревар со поголем предизвик ја совлада Јафан Ванг со 7(11)-6(9), 6-3 во сетови.
Џесика Пегула без никакви проблеми ја совлада Мајар Шериф со 6-0, 6-4, а победа забележа и Белинда Бенчиќ над Жанг со 6-3, 6-3 во сетови. Лесна победа имаше и Ема Радукану, која со 6-1, 6-2 во сетови ја совлада Ена Шибахара.
Најголемите изненадувања дојдоа од Александра Еала, која успеа да ја совлада Таусон, откако губеше со 1-5 во третиот сет. Со тешката победа од 6-3, 2-6, 7(13)-6(11) во сетови, таа стана првата Филипинка која остварила победа во главната фаза од Гренд Слем турнир во новата ера на турнири.
Alexandra Eala’s reaction after beating Tauson at the U.S. Open.
She falls flat on her back & bursts into tears. 🥹
Down 1-5 in the 3rd set
The first Filipino player to win a main draw match in a Slam in the Open Era.
Proud. 🥹
🇵🇭❤️
— The Tennis Letter (@TheTennisLetter) August 24, 2025
И Џенис Тјен од Индонезија предизвика големо изненадување, кога успеа да ја совлада фаворитката Кудерметова, која е 24-то пласирана на ВТА листата. Со победата од 6-4, 4-6, 6-4 во сетови, таа и ја донесе на Индонезија првата победа во последните 22 години на големите натпреварувања.
Таа во следната фаза ќе се сретне со британската број еден тенисерка, Ема Радукану, во обид за испишување на нова историја.
Indonesia’s first win in a Grand Slam main draw in 22 years! 🥹🇮🇩
Janice Tjen pulls off the upset over No.24 seed Kudermetova. pic.twitter.com/1I6ZWrJtpQ
— US Open Tennis (@usopen) August 24, 2025
