Илкај Ѓундоган и официјално го напушти Манчестер Сити и својата кариера ќе ја продолжи во турскиот гигант Галатасарај. Тој со клубот потпиша договор до 2027 година, а на социјалните мрежи се прости со англискиот клубот и навивачите.
“Драги Граѓани, сакам да бидам искрен со вас… причината поради која си одам е многу едноставна: сè уште сакам да играм фудбал колку што можам почесто, бидејќи тоа е она што го сакам најмногу. Набрзо ќе наполнам 35 години, но сè уште се чувствувам физички подготвен и навистина верувам дека можам да продолжам да играм на највисоко ниво за тим кој се натпреварува во Лигата на шампионите”, го започнува тој писмото кое го објави вечерва.
“И не само тоа. Сега имам можност да се приклучам на мојот омилен клуб од детството, во земјата која ми значи многу”, вели Ѓундоган.
So many amazing memories ✨
Thank you, @IlkayGuendogan 🩵 pic.twitter.com/hc3Bsv8ztm
— Manchester City (@ManCity) September 2, 2025
Сепак, тој не ги изостави и пофалните зборови за Сити и навивачите: “Манчестер Сити сака да започне од почеток после една неверојатна ера. Нешто што целосно го разбирам и го почитувам. Никогаш нема да заборавам што направи овој голем клуб за мене во текот на многу години. Поголемиот дел од моето време тука беше апсолутно фантастично и неверојатно успешно. Клубот и градот Манчестер секогаш ќе имаат посебно место во моето срце”.
“Сакам да им се заблагодарам на сите мои соиграчи, челниците на клубот, на секој оној кој работеше зад сцената, на секој фан и секако – на Пеп, кој го овозможи овој неверојатен период. Си одам од Сити со голема благодарност. Ви благодарам од моето и името на целото мое семејство”, завршува тој.
Dear Cityzens, I want to be honest with you… the reason why I’m leaving is very simple: I still want to play football as often as possible, because that’s what I love the most. I’ll turn 35 soon, but I still feel very fit and I truly believe I can continue to perform at a high… pic.twitter.com/e4ZeevWQK1
— Ilkay Gündogan (@IlkayGuendogan) September 2, 2025
