Бундеслигашот Вулфсбург го претстави данскиот фудбалер Кристијан Ериксен како нов играч, откако тој го напушти Манчестер Јунајтед како слободен агент.
Данскиот репрезентативец се сели на Фолцваген Арена оваа есен, откако помина три години во Манчестер Јунајтед, каде имаше 107 настапи и 8 погодоци.
“Многу сум среќен што сум тука и едвај чекам да го видам стадионот. Се надевам дека ќе создадеме нешто одлично заедно”, вели Ериксен во видео најавата во новиот клуб.
Never late to the party…
Welcome to Wolfsburg, Christian Eriksen!
🐺🤩🇩🇰#VfLWolfsburg pic.twitter.com/cjnmqqPkFB— VfL Wolfsburg EN/US 🇬🇧 🇺🇸 (@VfLWolfsburg_EN) September 10, 2025
33 годишниот плејмејкер потпиша договор со германскиот клуб до 2027 година, а тој таму ќе го носи дресот со број 24.
“Ова е прв мој клуб во Бундес лигата. Возбуден сум за мојата нова авантура. Веднаш почувствував дека Пол Симонис има јасна визија за тимот и за мене лично. Фактот што веќе имам неколку познати лица во клубот од данската репрезентацијата, го направи предлогот да се приклучам на овој тим уште поатрактивен”, додаде Ериксен.
