Грчкиот тенисер Стефанос Циципас ќе го заземе местото на Британецот Џек Дрејпер на турнирот “Шестте кралеви” кој ќе се одржи во Ријад, Саудиска Арабија.
Дрејпер се повлече на Отвореното првенство во Њујорк поради повреда, а тенисерот најави дека најверојатно ќе биде надвор од терените до крајот на годинава. Поради неговата повреда, Гркот ќе биде новиот член на шесторката која ќе се бори за големата парична награда на Саудиска Арабија.
Најчесто за турнирот се бираат шестте најдобри тенисери во моментот, а Дрејпер предизвика веќе реакции поради неговата покана оваа година, иако беше на 13-та позиција. Сегашниот натпреварувач, Стефанос Циципас, во моментов е рангиран дури на 27-то место на АТП листата.
Surprise, surprise!
Excited to compete in the Six Kings Slam next month in Riyadh, Saudi Arabia 🇸🇦 pic.twitter.com/wgVZO97pgW
— Stefanos Tsitsipas (@steftsitsipas) September 17, 2025
Сега Циципас ќе им се приклучи на Јаник Синер, Карлос Алкараз, Новак Ѓоковиќ, Тејлор Фриц и Александер Зверев на турнирот.
Турнирот на “Шестте кралеви” (Six Kings Slam) е ревијален тениски турнир во Саудиска Арабија, кој е закажан од 15 до 19 октомври оваа година. Овој турнир е желба на Шеикот, а наградите се навистина примамливи, па најдобрите тенисери си делат премија од 6 милиони долари, што е два пати повеќе од наградата на победникот на било кој Гренд слем турнир.
