Аргентинскиот стратег вчера експлодираше кон навивачите по доцната победа на Ливерпул над неговиот тим Атлетико Мадрид, по што доби црвен картон во самата завршница и беше испратен надвор од теренот.
Иако нервозата ескалираше во последните минути од мечот, според Диего Симеоне тој трпел навреди и гестови во текот на целиот натпревар, па едноставно “пукнал” на крајот.
“Има многу што да се зборува за грижата за тренерите, а навивачите извикуваа навреди преку целиот натпревар од зад клупата. А, јас не можам да кажам ништо затоа што сум тренер”, изјави тој за шпанската телевизија после мечот.
“Очигледно е дека моите постапки немаат оправдување, јас ги нападнав. но, тоа беше после 90 минути постојано вреѓање. Потоа се вртиш, твојот противник погодил, а тие сè уште те навредуваат. Не е така лесно во тој момент”, додаде Симеоне.
Тренерот за другите медиуми исто така истакна дека “постојано зборуваме за расизам и навреди кон играчите, а сепак никој не го интересира низ што поминуваат тренерите”.
На социјалните мрежи се огласи и навивачот од Ливерпул кој се судри со Симеоне: “Не кажав ништо расистички, ниту споменав некакви војни”. Погледнете го целото видео.
Just putting it out there. Nothing racist, no mention of any war or slurs of any kind.
Up the reds pic.twitter.com/UnQSblVZhU
— Jonny Poulter (@jonnyplfc6) September 18, 2025
