Катастрофални вести за Ливерпул. Талентираниот италијански дефанзивец Џовани Леони ја доживеа најлошата можна повреда, кинење на предниот вкрстен лигамент (ACL). Според Фабрицио Романо, 18-годишникот ќе паузира неколку месеци и со тоа практично го заврши првиот дел од сезоната.
Младиот стопер, кој пристигна од Парма летово за сума од околу 26 милиони фунти, го имаше своето деби како стартер во тимот на Арне Слот токму во мечот од Карабао купот против Саутемптон. Но, во 81-та минута беше изнесен на носилки со гримаса што навестуваше дека станува збор за сериозна повреда. Сега најлошите стравувања се потврдија.
Леони се сметаше за еден од најголемите таленти во Италија и требаше постепено да се вградува во дефанзивната линија на “црвените”. Наместо тоа, го чека операција и долга рехабилитација со надеж дека ќе може да се врати до крајот на сезоната.
🚨⚠️ Liverpool centre back Giovanni Leoni has torn his ACL and will be out for several months.
After excellent debut in League Cup last night with also Arne Slot very happy, an unlucky injury for Leoni who will try to be back before the end of the season. pic.twitter.com/TWFvj5jKfY
— Fabrizio Romano (@FabrizioRomano) September 24, 2025
Повредата на Леони доаѓа во најнезгоден можен момент за Слот, бидејќи Ливерпул сега останува со само три искусни стопери: Вирџил ван Дајк, Ибраима Конате и Џо Гомез. Клубот летово не успеа да го донесе Марк Гуеји од Кристал Палас, па сега тренерот можеби ќе мора да експериментира со решенија како Ватару Ендо или Рајан Гравенберх во центарот на одбраната.
За Леони, оваа повреда е суров удар на самиот почеток од неговата англиска авантура. А за Ливерпул, ова ќе биде сериозен тест за длабочината на тимот и издржливоста во сезоната која штотуку започна.
