Новак Ѓоковиќ го започна својот настап на Мастерс турнирот во Шангај, каде претходно има освоено четири титули. Тој во денешниот меч го совлада Марин Чилиќ со 2-0, односно 7(7)-6(2), 6-4 во сетови.
Српскиот тенисер после победата разговараше за посебната врска која ја има со кинеските фанови, каде секогаш е примен со огромна поддршка од публиката.
“Ова е една од најстарите култури и традиции во светот. Тука добивам многу љубов и поддршка во текот на годините и првиот пат кога играв во Кина беше во 2007, пред скоро 20 години. Многу сакам да се враќам тука, а најголемата причина зошто дојдов и оваа година е само да го почувствувам ова”, изјави Ѓоковиќ.
Тој додаде и дека “после домашните фанови во Србија, најверојатно Кинезите се втори најголеми негови поддржувачи”.
Things we’ve missed: Novak Djokovic playing tennis 😮💨 #RolexShanghaiMasters pic.twitter.com/0w1EcLDtf1
— Tennis Channel (@TennisChannel) October 3, 2025
Во другите мечеви од денешниот ден Тејлор Фриц одигра навистина тежок натпервар со Марозсан, во кој на крајот триумфираше со 2-6, 7(7)-6(4), 7(7)-6(1).
Леарнер Тјен во три сета го совлада Кецмановиќ со 4-6, 6-3,6-4, а можеби најголемо изненадување откажувањето на Каспер Руд, кој во третиот сет против Германецот Бергс мораше да го напушти теренот поради повреда.
На турнирот своето учество го откажа и Карлос Алкараз, кој се здоби со повреда на глуждот на турнирот во Токио. Тој изјави дека се чувствува дека му е потребен одмор, а неговиот тим проценил дека треба да го прескокне овој турнир со цел побрза рехабилитација.
Fritz Reaches Fifty 📍
The American No. 1 edges past Marozsan 2-6 7-6 7-6 for his 50th win this season!@Taylor_Fritz97 #RolexShanghaiMasters pic.twitter.com/9hKA2yTZVa
— Rolex Shanghai Masters (@SH_RolexMasters) October 3, 2025
