Во пресрет на својот 300-ти натпревар на клупата на Арсенал, Микел Артета се соочи со прашање кое требаше да биде комплимент, но тој го претвори во брутално искрена самокритика. Кога еден новинар му посочи дека со 58% успешност тој е статистички најуспешниот менаџер во историјата на клубот, Артета веднаш ја пресече еуфоријата.
Ова беше момент на чиста тактика, не на теренот, туку пред микрофоните. Артета, во стил на голем стратег, реши самиот да си го постави прашањето кое сите го мислат, одземајќи им го “оружјето” на критичарите.
“Најдобар процент на победи, а само еден голем трофеј”
Наместо да се гордее со статистиката, Артета веднаш удри по својата најголема слаба точка – недостатокот на големи трофеи.
“Го имаме највисокиот процент на победи, а со тој процент, имаме освоено само еден голем трофеј (ФА Купот во 2020). Тоа ви го покажува нивото. Затоа мора да направиме повеќе од тоа што е направено досега. На ова ниво, ова не е доволно. Мора да биде многу повеќе, иако е многу потешко”, изјави Артета.
Овој потег ги воодушеви фановите. “Ова не е фер! Како сега да се шегувам на негова сметка дека нема трофеи, кога тој самиот го кажа тоа прв?”, е еден од најпопуларните коментари.
Mikel Arteta on having the highest win rate (58%) of all coaches in Arsenal history: “We haven’t won major trophies. That’s why you have to do what has been done before. The level is not enough, it has to be much more. It is much more difficult, but that’s what we’ll try to focus on doing.”
byu/Bald-Eagle619 insoccer
Повеќе од само статистика: Трансформацијата на Арсенал
Иако му недостасуваат титулите во Премиер лигата и Лигата на шампионите, фактите говорат дека Артета го препороди Арсенал. Тој го презеде клубот во хаотична состојба, кога беа познати како “циркус клуб”-от за потсмев, без структура и победнички менталитет.
“Луѓето забораваат каде беше Арсенал кога дојде Артета. Ова не е како Пеп да го презеде Баерн”, потсетуваат навивачите.
Во последните неколку сезони, Арсенал беше главен конкурент на Манчестер Сити за титулата, а само ситни детали и несреќни повреди ги спречија да стигнат до врвот. Токму затоа, и покрај недостатокот на трофеи, Артета ужива огромна доверба од раководството и навивачите.
На крајот, оваа изјава е само уште еден доказ за неговата опседнатост со успехот. За него, личните рекорди не значат ништо. Единственото нешто што е важно е враќањето на големите трофеи на “Емирати”.
