КК Црвена Ѕвезда Меридианбет и грчкиот стратег Јанис Сферопулос се разделија по заедничка одлука на двете страни, соопшти клубот преку официјално соопштение.
Одлуката е донесена по состанокот на претседателот на клубот Жељко Дрчелиќ, генералниот спортски менаџер Милан Томиќ, менаџментот и досегашниот тренер Сферопулос, а како што се наведува, таа е направена во најдобар интерес на клубот во овој момент.
Сферопулос го презеде водството на “црвено-белите” на 21 октомври 2023 година и во текот на две години на клупата освои вкупно четири трофеи – титулата во АБА лигата, две Куп натпреварувања “Радивоје Кораќ” и првенството на Србија. Под негово водство, тимот минатата сезона стигна и до плеј-ин фазата на Евролигата.
Након заједничког састанка председника клуба Жељка Дрчелића, генералног менаџера за спортски сектор Милана Томића, менаџмента клуба и досадашњег тренера Јаниса Сферопулоса, донета је одлука да господин Сферопулос неће више обављати функцију тренера првог тима нашег клуба.
Ова… pic.twitter.com/jjJ8EuZ2RX
— KK Crvena zvezda Meridianbet (@kkcrvenazvezda) October 9, 2025
Во периодот од 2023 до 2025 година, Сферопулос ја водеше Црвена Ѕвезда на 145 натпревари, со биланс од 90 победи и 55 порази.
Клубот му изрази искрена благодарност за неговиот професионализам, односот кон клубот и начинот на кој ја претставуваше Црвена Ѕвезда на домашната и меѓународната сцена:
“Благодарни сме за сè што направи на клупата на Црвена Ѕвезда и за начинот на кој помогна да го подигнеме клубот на повисоко ниво. Му посакуваме многу среќа, здравје и успех во понатамошната кариера”, стои во соопштението.
Јанис Сферопулос, со освоените трофеи и признанието како најуспешен тренер во спортското друштво Црвена Ѕвезда, ќе остане запаметен како важен дел од историјата на белградскиот клуб.
Црвена Ѕвезда се заблагодари и на неговиот помошник, Василис Гераготелис, за ангажманот и придонесот во работата на клубот во изминатиот период.
