После Сабаленка и други две фаворитки се приклучија на учесничките кои обезбедија пласман во четвртфиналето на турнирот во Вухан. Второпласираната полска тенисерка Ига Швјонтек ја победи Белинда Бенчич во меч со два интензивни сета.
Шампионката од Вимблдон успеа да ја совлада шведската тенисерка со 7-6(2), 6-4 во сетови и да обезбеди учество во понатамошната фаза.
View this post on Instagram
Таму ќе се најде и Коко Гауф, откако денес со многу поголема леснотија ја совлада домашната тенисерка Жанг Шуаи. Кинескињата учествуваше на турнирот со вајлд карта, но сепак не успеа да направи сензација, па Американката на крајот славеше со 6-3, 6-2 во сетови.
Овие две тенисерки би можеле да се сретнат во полуфиналето, но прво ќе треба да ја поминат следната пречка во четвртфиналето.
Gauff gets it done 💪@CocoGauff defeats Uchijima in straight sets to reach the Round of 16 in Wuhan.#WuhanOpen pic.twitter.com/09QipMexNq
— wta (@WTA) October 8, 2025
Швјонтек ќе се сретне следно со Јасмин Паолини од Италија, која успеа да направи кам-бек во мечот против Клара Раусон и на крајот да го добие мечот службено со 3-6, 6-1, 3-1, откако данската тенисерка се повлече од натпреварот во третиот сет.
Гауф ќе се сретне со малку неочекувана ривалка, Лаура Зигмунд, која во интензивен меч ја совлада Магдалена Фреч. Сега најстарата тенисерка во конкуренцијата, на 37 години ќе се обиде да направи уште една сензација откако претходно успеа да ја совлада фаворизираната Мира Андреева.
Ова се најдобрите осум кои ќе се сретнат следно на турнирот во Вухан.
