Во пресрет на вечерашниот голем дуел помеѓу Белгија и Македонија во Гент, денеска беше одигран првиот натпревар од нашата квалификациска група Ј. Репрезентацијата на Казахстан на домашен терен рутински ја оправда фаворитската улога и го совлада Лихтенштајн со убедливи 4:0.
Овој резултат не менува многу во горниот дел на табелата, но е добар потсетник дека во овие квалификации нема лесни противници и дека секој бод е од огромно значење.
Кенжебек го “реши” Лихтенштајн со два “еврогола”
Натпреварот во Астана беше решен уште во првото полувреме, а херој на натпреварот беше 22-годишниот Галимжан Кенжебек. Младиот напаѓач постигна два спектакуларни гола со удари од далечина, а беше и асистент на вториот гол, кој го постигна Бактијор Заинутдинов. Конечниот резултат го постави Алибек Касим во финишот на натпреварот.
Казахстан доминираше во текот на целиот натпревар, со дури 24 удари кон противничкиот гол и 94% прецизност во додавањата, доказ за нивниот квалитет и сериозност.
Kazakhstan 1-0 Liechtenstein – Galymzhan Kenzhebek great goal 26′
byu/4gjdtokurwa insoccer
Kazakhstan 2-0 Liechtenstein – Bakhtiyar Zaynutdinov 28′
byu/4gjdtokurwa insoccer
Kazakhstan 3-0 Liechtenstein – Galymzhan Kenzhebek 59′
byu/4gjdtokurwa insoccer
Posts from the soccer
community on Reddit
Сите очи вперени кон Гент: Македонија го предизвикува фаворитот
По оваа увертира, сите погледи се насочени кон вечерашниот спектакл во Гент, каде што нашата репрезентација, како лидер во групата, ќе се обиде да направи уште еден голем подвиг. Селекторот Благоја Милевски и репрезентативците најавија храбра и борбена игра, свесни за предизвикот, но и за сопствениот квалитет.
Дуелот започнува во 20:45 часот, а правдата ќе ја дели турскиот судија Халил Умут Мелер.
