Еден од најдобрите светски голмани, Џанлуиџи Донарума вчера објави емотивно писмо во кое се осврна на ситуацијата со ПСЖ, велејќи дека “некој” не го сака во клубот.
Реакцијата дојде после изборот на тимот за вечерашниот настап на Суперкупот против Тотенхем, каде не се најде Италијанецот.
Неговиот агент, Енцо Рајола за “SkySports” кажа дека се подготвени да преземат легални дејствија против клубот, но откри и други интересни детали.
“Ние сме шокирани од ПСЖ, тие имаат нула почит за 4 години кои ги поминавме заедно. Ќе ја разгледаме ситуацијата и со нашиот правен тим”, жестоко изјави тој.
🚨 Donnarumma’s agent Enzo Raiola: “We are shocked by PSG. There’s zero respect by the club after 4 years together”.
❗️ “We will consider the situation also with our legal team”.
“Gigio was even ready to reduce his salary but PSG changed the conditions again”, told Sky Sport. pic.twitter.com/Hvqd2x4X0N
— Fabrizio Romano (@FabrizioRomano) August 12, 2025
“Џиџо дури и се согласи да ја намали неговата плата, но ПСЖ повторно ги сменија условите”, вели тој, откривајќи дека наспроти сите гласини дека Донарума сакал да замине од клубот, тој всушност се согласил и на помала плата само за да остане во Париз.
“Ќе разгледаме други решенија сега, можеби во Премиер лигата има клубови кои ќе ја платат потребната сума. ПСЖ бараат големи суми. Зборуваат за почит, но ги интересираат само парите”, одговори тој на прашањата каде Донарума ќе ја продолжи својата иднина.
