Возачот на Вилијамс, Алекс Албон, на претстојната трка во Силверстоун ќе вози со специјално дизајнирана кацига. И додека повеќето возачи за специјални дизајни истакнуваат некои свои лични моменти, Албон реши да го посвети дизајнот на своите фанови.
Дизајнот вклучува 23 негови фанови замислени како цртани ликови, а нивното име е испишано на капчињата.
“Оваа е за вас, фановите. Во случај да не ви кажувам доволно, ви благодарам!”, напиша Алекс Албон покрај објавата со фотографиите од дизајнот.
Дизајнот е дело на дизајнерот на кациги Енди Вернер, тајванскиот илустратор Беа7 и Масимо Данте.
