После првата победа на овогодинешниот турнир во Њујорк, Карлос Алкараз на конференцијата за медиумите ја објасни ненадејната промена во својот изглед.
Имено, тој вчера се појави пред мечот со Опалка со избричена глава, па многумина се прашуваа на што се должи наглата промена во имиџот. Сепак, Шпанецот објасни дека станува збор за грешка на неговиот брат.
“Вчера се чувствував дека косата ми е премногу долга и пред турнирот кажав дека сакам да ја скратам. Но, брат ми не ја сфати машината за шишање, а единствениот начин да ја поправиме беше да ја избричиме цела. Да бидам искрен, не е премногу добра новата фризура… но, најверојатно не е ни многу лоша”, искрен беше тенисерот.
На прашањето зошто ја доверил косата на брат му, наместо на долгогодишниот бербер Виктор, Карлос одговори: “Њујорк е предалеку за Виктор. А, и јас не сум некој што се потресува, повеќе сум од оние кои велат ‘ќе порасне пак за некој ден’ и се надевам дека тогаш ќе биде во ред. Се случи тоа што се случи”.
Ова е доказ дека понекогаш одговорите на врвните спортисти се поблиску до “обичниот народ”, а не секогаш зад секоја промена стои некоја спектакуларна приказна. Најважно е дека тоа не влијаеше на играта на Алкараз, па тој го започна турнирот со победа и одличен меч против Опалка.
Alcaraz: “My brother misunderstood with the machine he cut it & the only way to fix it is to shave it off. tbh it’s not that good its not that bad I guess.”
im the guy who thinks like, ‘ok hair grows’ & in a few days it’s gonna be okay.”oh Carlos you’re a better person than me pic.twitter.com/FsGkOY7AYP
— alcaraz archive (@alcarchive) August 26, 2025
